एक्झिक्यूटर, ट्रस्टी आणि ऍटर्नी

1. मृत्युपत्राचे व्यवस्थापक -
   • आपले मृत्युपत्र तयार करण्यासाठी आपण आमचा सल्ला घेऊ शकता. आपल्या इच्छेनुसार आम्ही आपल्यासाठी मृत्युपत्राचा मसुदा तयार करु आणि तो सुरक्षित ठेवू.
   • आपल्या मृत्युपत्राची अंमलबजावणी करण्याचे गुंतागुंतीचे काम आम्ही करतो.
   • विविध सोपस्कार आणि कार्यपध्दतींची पूर्तता करुन बँका, कंपन्या, म्युच्युअल फंड, युनिट टखस्ट इत्यादींकडून आम्ही आपल्या मालमत्तेचे संपादन करुन तिची योग्य ती तजवीज करु.
   • पूर्ण काळजी आणि दूरदृष्टी ठेवून योग्य तो विनिमय आणि दीर्घ प्रयत्न यांची खात्री बाळगत आपल्या इच्छेप्रमाणे आपल्या कुटुंबियांच्या आणि निकटवर्तीयांच्या हितासाठी आम्ही हे मृत्युपत्र सांभाळू.
   • ख-या अर्थाने आपल्या इच्छांची पूर्तता करुन शेवटी आपल्या इच्छेप्रमाणे नमूद केलेल्या व्यक्तींकडे हे मृत्युपत्र सोपवू.
   • हे मृत्युपत्र आपल्या नात्यातील व्यक्ती किंवा जवळचा मित्र असलेल्या कोणाकडे सोपवल्यास जे तणाव आणि समस्या निर्माण होऊ शकतात, ते तणाव आणि समस्या टळतात.
   • आम्ही संस्थात्मक पातळीवरुन काम करत असल्याने, हे काम कौशल्याने आणि आमच्या अनुभवाचा-ज्ञानाचा उपयोग करुन करु :
     • पध्दतशीर अंमलबजावणी
     • सातत्य
     • पूर्वगऎहविरहित दृष्टीकोन
     • बाह्य प्रभावांपासून मुक्त
     • संपूर्ण संस्थात्मक पाठबळ


2. खाजगी ट्रस्टचे व्यवस्थापन :
   

   आपल्या हयातीत आणि नंतरही आपल्यावर अवलंबून असलेल्या व्यक्तींच्या हितासाठी आपली काही मालमत्ता बाजूला काढून ठेवण्याचा विचार आपण करत असाल.
   
   मात्र मानसिक अक्षमता, शारिरिक व्यंग, लहान वय इ. बाबींमुळे आपल्या मालमत्तेची योग्य ती काळजी आपल्यावर अवलंबून असलेल्या व्यक्ती घेऊ शकणार नाहीत असेही आपल्याला वाटते.
   
   त्यासाठी आपल्याला खाजगी ट्रस्ट स्थापन करुन मालमत्तेची योग्य ती काळजी घेतली जाईल अशी व्यवस्था करता येईल. या टखस्टवर आपल्या हयातीत आणि नंतरही आपल्या सूचनांनुसार आपण परिणामकारक नियंत्रणही ठेवू शकता.

   • असा खाजगी ट्रस्ट स्थापन करण्यासाठी आम्ही आपल्याला मार्गदर्शन करतो.
   • अशा ट्रस्टचे एकमेव व्यवस्थापक ट्रस्टी किंवा इतर सल्लागार ट्रस्टीबरोबर आम्ही व्यवस्थापक ट्रस्टी म्हणून काम करतो.
     
     
   ट्रस्टी म्हणून
   • आम्ही आपल्या मालमत्तेचे संरक्षण करतो.
   • आम्ही गुंतवणूक, पुनर्गुंतवणूक, व्याज/लाभांशाचे संकलन करतो.
   • आम्ही नियमित कालावधीने रकमा देतो.
   • विशेष गरजांसाठी आम्ही रकमा देतो आणि
   • आम्ही शेवटी टखस्ट डीडप्रमाणे मालमत्तेची वाटणी करतो.


3. सार्वजनिक कल्याणकारी ट्रस्ट

   काही वेळा कृतज्ञतेच्या गाढ भावनेतून आणि सामाजिक बांधिलकीच्या विचाराने सामाजिक कार्यासाठी परोपकारी वृत्तीने आपल्या संपत्तीचा काही भाग देणगीरुपाने द्यावा अशी आपली इच्छा असते.
   
   त्यासाठी कायमस्वरुपी व्यवस्था केली पाहिजे अशी आपली इच्छा असते.

   • सार्वजनिक धर्मादाय टखस्टच्या स्थापनेसाठी आम्ही मार्गदर्शन करतो.
   • आम्ही आपल्यासाठी टखस्ट डीडचा मसुदा करुन देतो.
   • हा दस्तऐवज धर्मादाय आयुक्तांकडे नोंदवण्याची व्यवस्था करतो.
   • आयकर कायद्यान्वये आवश्यकता असलेली मान्यता आम्ही टखस्टला मिळवून देतो.
   • आम्ही हिशेब ठेवतो आणि दरवर्षी हिशेबांचे लेखा परिक्षण करुन घेतो.
   • आम्ही नियमित कालावधीने रिटर्नस आणि स्टेटमेंट संबंधित अधिका-यांकडे सादर करतो.
   • सल्लागार टखस्टींच्या आम्ही सभा घेतो आणि या सभांचे वृत्तांतही ठेवतो.

   अशा प्रकारे सामाजिक कार्य मोकळेपणाने करण्यासाठी आवश्यक असलेल्या तांत्रिक आणि आर्थिक सोपस्कारांच्या ओझ्यातून आम्ही आपल्याला मोकळे करतो.
   
   आम्ही संस्थेच्या रुपाने कार्य करत असल्याने आमच्याकडे निरंतर परंपरा आहे आणि त्यामुळेच निरंतर स्वरुपाच्या टखस्टची उद्दीष्टेही अंमलात आणण्याच्या दृष्टीने आणि व्यवस्था पाहण्याच्या दृष्टीने आमचे सहाय्य योग्य ठरते.

4. ऍटर्नी (मुखत्यार) अम्हणून गुंतवणुकी आणि घराच्या स्वरुपातील मालमत्तेचे व्यवस्थापन

   आपण आपल्या आईपासून आणि मातृभूमीपासून हजारो योजने दूर असलात की आपल्या स्थावर-जंगम मालमत्तेची काळजी घेणा-या एखाद्या व्यक्तीची आपल्याला गरज भासते.
   
   त्यामुळेच आपल्या मालमत्तेची व्यवस्था पाहण्यासाठी आपण आम्हाला कुलमुखत्यारपत्र देऊ शकतो.
   
   आपले ऍटर्नी म्हणून आम्ही खालील जबाबदा-या स्वीकारतो :

   • आपल्या सिक्युरिटीज सुरक्षितपणे आम्ही आमच्या ताब्यात ठेवतो.
   • भाडे आणि व्याज गोळा करतो.
   • आपल्या सूचनांनुसार अतिरिक्त निधीची गुंतवणूक आणि पुनर्गुंतवणूक करणे.
   • कर भरणे
   • टेलिफोन बिल, एलेक्ट्रिसिटी बिल, सोसायटी शुल्क इत्यादी देणी भरण्याची व्यवस्था करणे
   • घराच्या मालमत्तेची काही डागडुजी, दुरुस्ती करायची झाल्यास अशा मालमत्तेची देखभाल करणे

   आम्ही या सेवा विशेषत: सर्व ज्येष्ठ नागरिकांना प्रत्यक्ष त्यांच्याशी संपर्क साधून काळजी घेत प्रेमाने देतो.

   
   
5. अज्ञान मुलांच्या मालमत्तेचे पालकत्व :

   दुर्देवाने अज्ञान मुलांचे पालक कालवश झाले तर अशा अज्ञान मुलांच्या मालमत्तेची काळजी आम्ही घेतो.
   
   या सर्व सेवा खूप रास्त दरात आणि त्याही आपल्याला समाधान देतील अशा परिणामकारकतेच्या खात्रीसह उपलब्ध आहेत.

दर पत्रक